2013 жылдың 4 қазанында « Rixos President hotel Astana» сәнді мерекелік залында «Голубой парус» білім беру мекемесінің мерейтойлық отбасылық бал өтті. Шақыруымызды қабыл алған балдың құрметті қонақтарымыз Қазақстан Республикасы Парламенті Сенатының депутаты Айтимова Бірғаным Сариқызына, ҚР Парламент Мәжілісінің депутаты Балиева Зағиба Яхианқызына, ҚР Сыртқы істер министрлігінің Ерекше тапсырмалар жөніндегі Елшісі Василенко Роман Юрьевичке, Астана қаласы Білім саласындағы бақылау департаментінің директоры Абдібеков Қайрат Айтбекұлына, Алматы қаласы Білім саласындағы бақылау департаментінің директоры Оршубеков Нұрбек Абубекұлына, «RIXOS PRESIDENT HOTEL ASTANA» бас директоры Стефано Капачеттиге алғысымызды білдіреміз . Отбасылық фотосуреттер көрмесі орналасқан залда салтанатты
атмосфера орнап, квартет орындаған тыныш классикалық музыка шырқалды. Фанфарлар естілді, есіктер айқара ашылды және барлығы, қонақтар мен ата-аналар залға шақырылды, оларды әдемі жеңіл көйлектегі жас ханымдар мен қатаң смокинг киген мырзалар күтіп тұрды. Парустың бар тәрбиеленушілері баяу мектеп вальсымен мерекенің шымылдығын ашты. Балдың басты оқиғасы бас директоры Ескараева Марина Михайловнаның «Сенім алтын жұлдызы» арнайы сыйлығын табыстауы болды. Мереке бағдарламасы өте қызу болды: ата аналар мен балалардың әсерлі биі, құрметті қонақтардың жылы лебіздері, жарыстар, «Астана» қуыршағын ауыстырудың әдемі рәсімі және көптеген құттықтаулар. Балдың соңында барлығын тосын сый күтіп тұрды: шарлар сарқырамасы мен мерейтойға арналған үлкен торт. Бал сәтті болды!